Bristol Somali Media Group

Home » BSMG posts » Crime » Youth

Category Archives: Youth

"Wixii qoran baa quruumo hadhee, muxuu hadal qiimo leeyahay." Somali
 
"Words fly, but scripts stay - for centuries." English
 

Dhalinyarada Somaaliyeed ee Bristol oo aan bulshada ka dhex muuqan, codkooduna qarsoonyahay

Abdi Mohamed – Warbixin maalintii Khamiistii (24 March 2016) laga soo saaray hawlgalkii Brooke, kaas oo 13 dhalinyaro ah oo Soomaaliyeed lagu xidhay arrimo la xidhiidha faroxumayn hablo aan qaangaadh ahayn, ayaa si faahfaahsan u cadaysay in ciidanka amaanka (police), qolooyinka arrimaha qoyska iyo bulshada ka shaqeeya (social workers) iyo shaqaalaha caafimaadku ay ka soo bixi waayeen kaalintii looga baahnaa ee ahayd in ay hablaha yaryar ka badbaadiyaan dhibaatooyinka noocan ah. Laakiin warbixintu wax badan kamay odhan baahida loo qabo in la helo hab lagaga hortago fal-dambiyeedyada noocan ah ee dhalinyaradu ku kacdo.

Warbixintu waxay cadaysay, inkastoo dhamaan inamadii la xidhay ay Soomaali ahaayeen, in “aanay jirin wax cadaynaya in isirkooda iyo dhaqankoodu ay qayb ka ahaayeen wixii dhacay”. Waxa kale oo ay warbixintu cadaysay in “inamada la xidhay aanay ahayn kuwo isku duubnaa” oo dhacdadan si qorshaysan u fuliyay. Tani waxay ka soo horjeedaa wararkii sida aadka ah saxaafaddu u baahisay ee ahaa in ay ahaayeen koox abaabulan oo u soo tabaabushaystay in ay si qorsheysan dembiyada u fuliyaan.
(more…)

Shir: Wadatashiga Bulshada Soomaaliyeed ee Bristol – 10 January 2015

Wadatashi: Arrimaha Dhalinyarada, Waxbarashada & Horumarinta Bulshada

Dhamaan bulshada Soomaaliyeed ee ku nool magaalada Bristol waxa loogu baaqayaa in ay ka soo qaybgalaan shirka wadatashiga bulshada, kaas oo si gaar ah loogu qaadaa-dhigi doono arrimo la xidhiidha waxbarashada caruurta, dhalinyarada iyo horumarinta bulshada.

Bristol Somali Community Meeting - 10 Jan 15

Bristol Somali Community Meeting – 10 Jan 15

Shirkani waa shir wadatashi ah, waa shir ka madaxbanaan siyaasad iyo wixii la xidhiidha; waa shir ujeedadiisa ugu muhiimsani tahay in bulshada Soomaaliyeed ee magaalada degani ay helaan madal ay isku xog-waraystaan, dib u jaleecaan wixii u qabsoomay sannadkii la soo dhaafay iyo waxyaabaha qabyada ah.

Sidoo kale shirkani wuxuu bulshada siinayaa fursad ay kaga faalloodaan caqabadaha hortaagan iyo sidii xal loogu heli lahaa – gaar ahaan dhinaca barbaarinta iyo waxbarashada carruurta, aqoonta iyo xirfadaha dhalinyarada, iyo horumarka iyo isku-duubnida ama isku-xidhnaanta bulshada. Taa waxa dheer, in dhalinyarada iyo waalidiintuba ay helidoonaan fursado codkooda lagu maqlo, si wadajir ahna u qorsheeyaan waxyaabaha ugu muhiimsan ee ay doonayaan in ay qabtaan ama u qabsoomaan – mustaqbalka dhow iyo ka fog labadaba.

Haddaba, Mudenayaal iyo Marwooyin, sida kor ku xusan shirkani wuu ka madaxbanaan yahay siyaasad iyo wixii la xidhiidha, sidaa daraadeed waxaanu idinku dhiirigelinaynaa in aad ka soo qaybgashaan shirkan wadatashiga ah ee loogu talogalay in bulshada Soomaaliyeed ee magaalada degani ay isku xog-waraystaan, si wadajir ahna uga wadatashadaan horrumarinta bulshada iyo sidii wax looga qaban lahaa waxyaabaha caqabadda ku ah horumarkooda – haddii ay tahay dhinaca waxbarashada, kobcinta garaadka ilmaha (mid dhaqameed iyo mid diimeedba), fal-dembiyeedyada dhalinyarada, mukhaadaraadka, iwm. Waxaan ku rajo weynahay in madashaa aan isku arki doono, qof kastaana uu kaalin wax ku ool ah ka qaadan doono.

Mahadsanid.

 

Goorma:      Sabti, 10 January 2015

Goortee:      5:00 pm – 7:30 pm

Goobtee:     Trinity Centre, Trinity Road, Bristol BS2 0NW

 

Wixii faahfaahin ah fadlan kala soo xidhiidh:

Siciid Maxamed Buraale:            07423 062485
Khaliil Aadan Cabdi:                    07557 510546

Curad (first born): A poem

A poem about accidental leadership.

First born,

First loved,

First child,

First pain,

First smile, first practice

First Prince,

Future King. (more…)

King of the Endz

 

A poem based on research and conversations with former drug dealers.

 
My mum says I am a dealer

My boys say I am the man

Mum says I am a disgrace

Boys say I am the boss

My mum says study

But my teacher knows I am not going anywhere.

My mum shouts change

But what other choices are there? Continue reading